ALSAT-M -Edicioni shqip: Frekuentimi në objektet hotelierike përgjysmohet

Frekuentimi në objektet hotelierike përgjysmohet
================================================================================
ALSAT M on 08/02/2010 11:07:00
 
Pas hyrjes në fuqi të Ligjit për mbrojtje nga pirja e duhanit, frekuentimi
në objektet hotelierike në Ohër është zvogëluar përgjysmë. Këtë e
pohojnë pronarët e objekteve hotelierike të cilët sqarojnë se fitimi brenda
ditës dukshëm është zvogëluar. Hotelierët e Ohrit pohojnë se gjatë
ditës, qarkullimi është dyfish më i vogël në krahasim me periudhën e
njëjtë të vitit të kaluar, ndërsa në mbrëmje fitimi është zvogëluar
për 15 deri në 20 për qind.
Para do kohe, Ohrin e vizitoi ministri i Ekonomisë Fatmir Besimi të cilit
hotelierët e qytetit iu ankuan për efektet negative të ligjit për mbrojtje
nga pirja e duhanit. Ministri theksoi se kjo është vetëm pasojë
afatshkurtër, ndërsa në planin afatgjatë, sipas tij, ligji do t’i arrijë
efektet e dëshiruara, ndërsa gjendja në biznesin hotelierik do të
stabilizohen. /makfaks/