Autorët e mbrojnë projektin "Shkupi 2014"

Pas protestave kundër dhe debateve të zhvilluara rreth projektit "Shkupi 2014", sot para kamerave dolën edhe autorët e skulpturave. Kritikat për vizionin e prezantuar për pamjen e kryeqytetit, i vlerësuan si jo profesionale, jo-kulturore dhe të pabaza. Tetëmbëdhjetë autorët përmes një deklaratë të përbashkët të nënshkruar nga të gjithë ata, kundërshtojnë çdo përpjekje për zhvlerësimin e punës dhe kompetencës së tyre.
"Për ne është qesharake, por edhe pikëllues, motivi dhe qëllimi i kritikave të shumta që ndodhën këto ditë, ndërsa nuk e kuptojmë pse kritikohet diçka që është pozitive dhe diçka që fisnikëron me altruizmin e vet... Strukturat nga të cilat po i përjetojmë këto sulme po na krijojnë një ndjenjë serioze të dyshimit se për këtë projekt është e motivuar politika ditore", deklaroi Zharko Bashevski, autor i përmendores "Shën Qirili e Metodi”.
Për rreth një muaj, sikurse paralajmërojnë autorët, pritet që të mbërrijnë përmendoret e revolucionarëve Dame Gruev dhe Goce Dellçev, kurse pas atyre dy luanët që do të vendoset para urës “Goce Dellçev” afër godinës së Qeverisë. Sot për projektin në fjalë, u debatua edhe në nj tribunë tjetër të organizuar nga shkupjanët e vjetër. Por edhe mes tyre, opinionet ishin të ndara.
"Ajo që gjithmonë e ëndërrojmë, për të rindërtuan ca gjëra, ekziston në këtë projekt. Më duket sikurse ta kisha parë të realizuar ëndrrën time", u shpreh Danilo Kocevski, kronist i Shkupit.
"Unë shpresoj se Shkupi do të bëhet metropol me atë që e pashë në televizor... E mbështes nismën, i mbështeti arkitektët në Shkup se vërtetë janë dëshmuar", tha Petranka Dimishkova, qytetare.
Ndërkaq, shkupjani Angell Ivanov, beson se qyteti duhet të jetë më modern. Ai reagoi për përkujtimin në të kaluarën. Ivanov tha se nëse bazohemi në rrëfimin e përcjellë deri në shekullin XVII, nga udhë-përshkrimet e Evlia Çelebia, atëherë është dashur të thuhet se në shesh duhet të ndërtohet edhe xhamia. Kurse sipas Lube Stojkovskit, është e panevojshme të shpenzohen para për gjëra të tilla.
"Këto fonde që shpenzohen në ndërtimin e përmendoreve të tilla nebuloze, mendoj se mund të përdoren në dobi të qytetarëve.... Sa gra shtatzëna vdiqën nga mungesa e trajtimit përkatës mjekësor?", u shpreh Lube Stojkovski, qytetar
Ndërkaq, ambasadori amerikan në Shkup, Filip Riker u përmbajt nga komenti.
"Vendimet për projekte të tilla dhe për shfrytëzimin e fondeve të tilla duhet të merren nga maqedonasit", deklaroi Filip Riker, ambasadori i SHBA-ve.
Projekti "Shkup 2014" shkaktoi reagime në opinionin publik. Dy ditë më parë në shesh, që pjesërisht tani më është i rrethuar, një grup i qytetarëve protestuan kundër kësaj ideje.

Frosina Cvetkovska