Kryeministri Gruevski për vizitë në Çeki

Një delegacion i lartë qeveritar i kryesuar nga kryeministri Nikolla Gruevski qëndron për vizitë zyrtare dyditëshe në Republikën e Çekisë.
Gruevski pasdite do të ketë takim tet-a-tet me kolegun e tij Jan Fisher, ndërsa nesër do të pritet nga presidenti i Çekisë Vacllav Klaus.
Dita e dytë e vizitës është paraparë edhe për takime me kryetarin e Senatit të Parlamentit çek Premisëll Sobotka, si dhe me kryetarin e Dhomës së deputetëve Millosllav Vëlçek.
Me kryeministrin Gruevski janë edhe zëvendëskryeministri Vlladimir Peshevski, ministrja e Punëve të Brendshme Gordana Jankulloska dhe drejtori i Agjencisë për investime të jashtme Viktor Mizo, në Pragë janë edhe një grup ekonomistësh të cilët do të marrin pjesë në forumin afarist të Maqedonisë dhe Çekisë, të caktuar për nesër, qëllimi i të cilit është intesifikimi i marrëdhënieve ekonomike.
Në forum do të mbajnë fjalime Fisher dhe Gruevski, do të prezantohen mundësitë për investim në Maqedoni, ndërsa biznesmenët e dy vendeve do të realizojnë kontakte të drejtpërdrejta dhe do të bisedojnë për realizimin eventual të projekteve të përbashkëta. /mia/