Adoptimi i fëmijëve do të bëhet në mënyrë elektronike

Ministri Xhelal Bajrami

Adoptimi i fëmijëve në të ardhmen parashikohet të bëhet në mënyrë elektronike. Komisioni pranë ministrisë për punë dhe politikë sociale do të bëjë përzgjedhjen e çiftit bashkëshortor që do të adoptojë fëmijën e caktuar pasi ti shqyrtojë të dhënat e më shumë kandidatëve potencial nga qendrat sociale nëpërmjet sistemit kompjuterik por të shifruara pa ditur emrin e tyre. Çifti anonim që do të kenë predispozita më të mira do ti ofrohet mundësia për adoptim.
Ministri i Punës dhe Politikës Sociale, Xhelal Bajrami, thotë se kështu do të bëhet përzgjedhja më transparente e prindërve që dëshirojnë të adoptojnë fëmijë. Këto ndryshime janë miratuar në Qeveri ndërsa deri në fund të prillit pritet të kalojnë edhe në kuvend. Deri më tani fëmijët janë adoptuar me propozim të qendrave sociale. Përvojat e deritanishme flasin se në vit adoptohen 70 deri në 80 fëmijë. Për momentin për adoptim presin 101 fëmijë. /alsat-m/