Newsletter

Fillimi | Sport | Lajme nga futbolli ndërkombëtar

Lajme nga futbolli ndërkombëtar

Madhësia: Decrease font Enlarge font

Roberto Mançini nuk është më trajner i Mançester Sitit, pasi drejtuesit e klubit anglez përjashtuan për shkak të rezultateve të dobëta. Ndërkohë francezët e Monakos pretendojnë të ndërtojnë skuadër të ëndërrave, duke tentuar blerjen e Falkaos, Tvezit dhe Zhao Moutinjos. Borusia Dortmund pas largimit të Getcez, do të kërkojë nënshkrimin e Kristian Eriksenit nga Ajaksi.

Siti largon Mançinin!

Roberto Mançini nuk është më trajner i Mançester Sitit, pasi të hënën në mbrëmje u largua nga pankina e nënkampionit të Anglisë. Drejtuesit e klubit ishin të pakënaqur me rezultatet e ekipit, ndërsa ndikim të madh kishte disfata e Sitit në finalen e FA Kupës ndaj Uiganit dhe Siti mbeti pas asnjë trofe në këtë sezon. mançini në Siti kaloi 3 vite e gjysëm, ndërsa si pasardhës të mundshëm të tij shihet kileani 59 vjeçar, Manuel Pelegrini, I cili ditë më parë dematnoi largimin e tij nga Malaga.

Monako kërkon Tevezin

Vetëm disa ditë pasi parlajmëruan ardhjen e Falkaos, drejtuesit e Monakos tani përgatisin edhe një ‘bombë tjetër të merkatos’ – angazhimin e Karlos Tevezit. Argjentinasi ka marrëveshje deri në vitin 2014 me Sitin, por është mjaft i intereuar që të vazhdojë të luajë në Francë. Para se gjithash, Tevez mund të përfitojë 10 milion në sezon duke mos paguar fare tatim. Presidenti i Monakos, Dimitri Ribovljev ende nuk ka nisur kontaktet zyrtare me Sitin, pasi më 22 maj do të jetë mbledhje e Bordit Drejtues të Monakos. Përpos Tevezit, Monako është i interesuar edhe për Zhao Moutinjos nga Porto.

Borusia D. gjen zëvendësimin e Getces

Në momentin që është mësuar se Mario Getze do të luajë për Bajern Munihun, drejtuesit e Borusia Dortmundit kërkojnë zëvëndësimin e tij. Zgjidhja e parë është Kristian Eriksen, i cili në mediat hoalndeze ka vërtetuar se janë filluar bisedimet dhe se skuadra gjermane është një mjedis i ri në të cilin mund të përparojë në karrierën e tij futbollistike. Erikseni ka shënuar 10 gola në këtë sezon për Ajaksin, ndërsa konkurent i vetëm i Dortmundit do të jetë Liverpulli, i cili që më parë është interesuar që Eriksenin të sjell në “Anfilld Roud”.

Roben kalon te Siti?


Sipas mediave britanike, Bordi i Mançester Sitit bëhet gati të vihet në lëvizje për të siguruar shërbimet e holandezit, Arjen Roben. Mesfushori i Bajern Mynih pritet të largohet nga Bavaria gjatë verës, pasi nuk bën pjesë në planet e Guardiolës për sezonin e ardhshëm pavarsisht performancës së shkëlqyer që ka bërë këtë sezon me bavarezët. Holandezi 29 vjeçar, që kushton rreth 15 milion euro, është viktima e parë e mbërritjes së Pep Guardiolës në klubin Bajern, pasi trajneri spanjoll nuk e sheh atë si pjesë të planeve të tij afatgjata dhe për këtë arsye ka shtyrë klubin të blejë Mario Gëtze. Loja individuale e mesfushorit dhe dëmtimet e tij të njëpasnjëshme janë dy problemet kryesore që sipas Guardiolës e bëjnë atë të papërshtatshëm  për idenë e tij rreth futbollit, ndaj holandezi do të jetë ndër sakrificat e para.

M. TH.

Shtoni në: Add to Facebook Facebook| Add to Twitter Twitter| |
image
Te fundit - Sport

Rabotniçki mbetet kryesues i renditjes

Janë zhvilluar sot pesë nga gjashtë ndeshjet e javës së 28-të, të Ligës së Parë futbollistike të Maqedonisë në futboll. Në këtë javë fitoren më
  • email Email mikut
  • print Verzioni print
  • Plain text Tekst i thjeshtë
Alsat-M