Ta ruajmë çdo vend pune, secili të ketë mjete që ta mbijetojë dhe tejkalojë këtë periudhë. Ta ruajmë likuiditetin e buxhetit që t’i servisojmë detyrimet dhe ta mbrojmë likuiditetin e ekonomisë i cili pastaj duhet të rifillojë. Këto janë qëllimet sipas të cilave udhëhiqemi në përballjen me krizën dhe menaxhimin me Buxhetin, theksoi ministrja e Financave Nina Angellovska në intervistën për Radio Evropa e Lirë.

Duke folur për çfarë do të shkurtohej nga buxheti, Angellovska theksoi se gjithçka që është në funksion të përballjes me krizën, nuk mund të jetë lëndë e shkurtimit, si shëndetësia dhe siguria.
Ajo theksoi se duhet të sigurohen para për çdo qytetar që të ketë mjete, të rrjedhë mbrojtja sociale dhe të gjithë të jenë solidarë, realë de të vetëdijshëm.

“Nëse flasim për shkurtim në anën e shpenzimeve, do të ketë shkurtim të mallrave dhe shërbimeve të caktuara, shërbimeve të caktuara kapitale siç është blerja e pajisjeve, licencave, softuerëve, do të thotë në kushte të tilla gjithçka që është thelbësore dhe drejtpërdrejt nuk lidhet me përballjen me krizën e koronavirusit, mundet të jenë lëndë e shkurtimit. Me një qëllim të vetëm – të ruhet çdo vend pune, secili të ketë mjete ta mbijetojë këtë periudhë, të gjithë të jemi solidarë, ta ruajmë para së gjithash likuiditetin e buxhetit që t’i servisojmë këto detyrime dhe ta ruajmë likuiditetin e ekonomisë i cili duhet të rifillojë dhe të vazhdojë ta mbushë tubacionin që të mund të vazhdojë të shkojë dhe të rrjedhë, normal dhe anën e shpenzimeve”, tha Angellovska.

Shpërndaj me

Loading...