Për shkak të situatës së virusit korona u anuluan shumë koncerte, mes tyre edhe koncerti i këngëtarit Maluma që duhej të mbahej në Tiranë.

Edhe pse të gjithë mezi po e prisnim, organizatorët së bashku me Qeverinë e Shqipërisë vendosën që koncerti të mos mbahej më 14 mars në mënyrë që të mos përhapej virusi korona. Shtyrjen e koncertit e konfirmoi edhe Maluma, i cili zbuloi edhe datat e reja të turit botëror.

Për Tiranën është vendosur data 6 shtator 2020, ndaj duhet të presim edhe pak për ta parë live yllin e muzikës që ka çmendur vajzat në mbarë botën. Vetë Maluma tregon se situata e Covid-19 ia ka sjellë në majë të hundës dhe mezi po pret t’i rikthehet koncerteve, për të cilat e ka marrë malli më së shumti.

Në llogarinë e tij në Instagram, ai ka publikuar një foto ku i drejton gishtin virusit korona, ndërsa krahas postimit shkruan.

“Në djall koronavirusi! Dua të kthehem në koncerte që tani!”

Kur Maluma mezi po pret të kthehet, merret me mend vetë sesi po durojmë ne. Koncerti madhështor do të mbahet në sheshin “Nënë Tereza” në Tiranë.

Për të gjithë ata që kanë blerë biletat, organizatorët kanë njoftuar se ato janë të vlefshme për datën e re.

 

View this post on Instagram

 

F#%€£ CORONAVIRUS I WANT TO GO BACK ON TOUR NOW / QUIERO VOLVER A LOS ESCENARIOS YA 😭😔😭😔

A post shared by MALUMA (@maluma) on

Shpërndaj me

Loading...