fbpx

Премиерот на Косово, Авдула Хоти и претседателот на Србија, Александар Вучиќ, се очекува да се состанат утре во Брисел. Претседателот на Србија, Вучиќ, најави дека на овие средби ќе го постави прашањето за Заедницата на српски општини, додека премиерот Хоти рече дека со српската страна ќе разговара за конечниот договор за взаемно признавање.

„Договор се постигнува само кога се затвара взаемното признавање. Нема да има меѓусебен, делумен или креативен договор што не го решава проблемот засекогаш“, рече Хоти.

Српскиот претседател Александар Вучиќ, по состанокот со специјалниот пратеник на американскиот државен секретар Метју Палмер и специјалниот претставник на ЕУ за дијалогот Косово – Србија, Мирослав Лајчак во Брисел, рече дека ЕУ инсистира на тоа дека таа треба да го води политичкиот дијалог Косово – Србија. Вучиќ оцени дека средбата со Палмер и Лајчак е добра и изјави дека разговарале за „сите важни теми и како утре да се продолжи дијалогот “. Средбата во Брисел меѓу Косово и Србија доаѓа по состанокот во Белата Куќа во Вашингтон, каде беше потпишан договорот за економска нормализација меѓу двете земји.

Израелското Министерство за надворешни работи официјално објави дека се воспоставени дипломатски односи со Косово и за отворање на амбасада во Ерусалим и преместување на српската амбасада во Ерусалим. „Ние ја гледаме одлуката на Косово и Србија да основаат свои амбасади, како симболичен чекор кон унапредување на мирот меѓу овие земји“, се вели во соопштението на израелското Министерство за надворешни работи. Турската амбасада во Приштина се спротивстави на отворањето на косовска амбасада во Ерусалим.

„Разочарувачки е што ваквиот чекор, што би претставувал јасно кршење на меѓународното право, дури и да биде разгледано од косовските власти“, се вели во соопштението на турската амбасада во Приштина.

Алсат

Shpërndaj me

Loading...